صديقتى الجميلة شاشا صاحبة المدونة الممتعة جاليرى مررت لى كراسة الواجب ومن قوانين الواجب 1-امرره لسته من المدونين مع ذكر اسمائهم 2-اعلمهم بموضوع الواجب 3-والواجب هو انى اذكر ست اشياء عن نفسى لا يكتشفها فى من يرانى لاول مرة . السر الاول ; محدش بيقدر يعرف عمرى الحقيقى دائما بيفتكرونى لسه طالبة فى الجامعة وديه حاجة جميلة بس ساعات بضايقنى السر التانى ;شكلى هادئ ومظهرى بيدل على الطيبة بس الحقيقةا ناا عكس كده متهورة جدا واعشق قيادة السيارات بسرعة طائشة السر الثالث ;بثق فى الناس بشكل فظيع ودايما اخد بمب وخوازيق عادى اتعودت على كده والمصيبة انى مش بتغير السر الرابع ;بحب اوى اعمل اللى انا عايزه وعايشة حياتى على طبيعتها ومش بحب اتفلسف كتير لو مش فاهمة حاجة مش بفتى بقول مش فاهمة السر الخامس ;مفتقدة الحب والحنان بجد نفسى فى حد يطيطب على وياخدنى فى حضنه من غير مصلحة ولا نفاق السر السادس ;كثيرة البكاء غالبا يوميا ببكى بس مش نكدية بغير المود على طول الحمد الواجب تم دلوقتى حمرره لصديقتى كريمان صاحبة مدونة قطرات من شواطئ الحياة وصديقى احمد عبد اللطيف مدونة هلاوس و شادى اصلان ومعنديش حد تانى مكن امرره الواجب لان مدونتى لسه جديدة ومعنديش مدوننين اصدقاء
الاشتراك في:
تعليقات الرسالة (Atom)
هناك 6 تعليقات:
الجميلة ريم
أسرارك أنا عرفتها ، بس مش حستغلها خالص ، عشان انا طيب زي ما انتي عارفة !!!
علي فكرة أنا عملت الواجب قبل كده ، ومش حقدر اعمله تاني لأني بقيت كارت محروق . اعتبريني عملته وأمرك لله يا بنتي .
هو صحيح فين البوست اللي فات ؟
ايوكيه ححاول ااقراه والبوست اتمسح غلط وبعدين معنديش اسرار ممكن تستغل
ريم الرقيقة
مبسوطة أوي إني قريت الواجب بتاعك عشان من خلاله اتعرفت عليكي أكتر و تأكدت إنك فعلا شخصية جميلة و حبوبة
و بعدين تعالى هنا إحنا ماصدقنا خلصنا من واجبات المدرسة طلعولنا تاني في البخت ؟؟؟ ;-)
بس عارفة ده أول تاج يتمررلي و أنا زيك برضه جديدة في عالم التدوين مش عارفة حبعته لمين بس ياللا إن شاء الله حتصرف :)) .. أول ما أحل الواجب حديكي خبر عشان تيجي تصححيه ;-)
الريم الرقيقة صفاتك رقيقة زيك بالظبط وعلى فكرة فى حاجتين انا مشتركة معاكى فيهم قيادة السيارة بسرعة ,وكثرة البكاء وشكرا لحلك الواجب
حليت الواجب يا ريم ;-)
لو فاضية زوريني و صححيه
إرسال تعليق