الخميس، 17 يوليو 2008
نور
فوجئت بمكالمة تيلفونية من ماما فى غير توقيتها المعتاد فهى غالبا تكلمنى صباحا لتطمئن انى وصلت الشغل سالمة غانمة ومساء لكى تنصحنى بعدم فتح الباب لاحد والتاكد من احكام غلق الغاز هكذا هى امى دائما فى الستين من عمرها طيبة جدا وحنونة وعطوفة وعندها فوبيا القلق على متدينة جدا ومتمسكة بتعاليم ربنا وغالبا لا تترك القران الكريم من بين يديها كلمتنى وانا فى العمل وبها نبرة صارمة ريرى هكذا هى تدللنى اعملى حسابك احنا مش حنصيف فى الساحل الشمالى جهزى نفسك احنا حنروح تركيا افندم تركيا ازاى واشمعنى وامتى وفين !!! ردت ايوه انا اتصلت سالت شركة سياحة وتكاليف الرحلة رخيصة جدا يمكن الساحل تكلفته تكون اكتر انتى بس حضرى نفسك !منذ فترة ليست بالقليلة وامى تتابع حلقات المسلسل التركى نور وقد ادمنته جميع مواعيدها مترتبة على ميعاد عرض المسلسل تنتظر الحلقة قبلها بنصف ساعة وتعد لنفسها كوب النسكافيه ليعطيها مزيد من الانتباه وبعد الحلقة تتصل باحد صديقاتها لمناقشة وتحليل الحلقة عموما انا معرفش المسلسل ظروفه ايه بس اعتقد انه قصة حب المسلسل لاقى اقبال كبير من مختلف الطبقات والاعمار حاولت اعرف ماذا يشد سيدة فى الستين من العمرلقصة حب بين بطل وبطلة وحرصها على متابعتها فسالتها ايه اللى بيعجبك فيه قالت لى نور البطلة بسيطة ورقيقة وجذبت المشاهدين وتعاطفوا معها والمناظر الطبيعية ادموسفيرنفسه بتاع البلد شد امى اليه لدرجة انها تمنت انها تزوره هكذا هو الفن والاعلام الناضج بعيدا عن المسلسلات المصرية باستفزازها وتكرار احداثها وبطئها وتكلف ممثلاتها فى البس والمكياج وطريقة الكلام والقصور الفاخرة وكأن كل المصريين يعيشون فى هذه القصور الفخمة وعندما شعرت بعدم التحمس فى السفر معها من عموما لو مش حتيجى حطلع انا وطنط صافيناز هى كمان نفسها تشوف االبلد على فكرة طنط صافى ديه من اشد المعجبات بمسلسل نور
الاشتراك في:
تعليقات الرسالة (Atom)
هناك 4 تعليقات:
الجميلة ريم
لا أكتم عليك أن ابوست أدخل لنفسي البهجة ، ولكنه بعد قليل احزنني قليلا . ريم ، ايه المشكلة ان ماما تتفرج علي مسلسل حب ويعجبها ؟ عارفة إيه المشكلة ، ان احنا اتعودنا نفكر أن الكبار في السن خلاص بقي ، يقعدوا في البيت يصلوا ويقروا قرآن ، أهو ينفعهم في آخرتهم ، صح ؟ .
هاتفتني صديقة اسبانية من فترة وأخبرتني والحزن يقتلها ان خالها مات ، وقالتلي بالحرف الواحد " مات صغير ، كان عنده 65 سنة بس " ، فهمت ما تقصد ، لأن متوسط الأعمار عندهم 80 .
أما بالنسبة لدور اعلام، فهناك مقولو تقول إن الناس علي دين اعلامهم . وأنا اتفق معك أن الأعمال المصرية مستفزة ، وطويلة زيادة عن اللازم ، كله لأغراض تجارية .
أخيرا : مسلسل نور كان جامد موت ، وعرفت كمان ان في واحدة عربية اطلقت بسببه . شاهدت منه بعض الحلقات ، لكنه مسلسل جدير بلمتابعة .
علي فكرة ، شجعي ماما تروح تركيا ، وتخرج ، وتحب الحياة ، وعامليها علي انها من سنك ، أرجوكي .
البوست جميل كالعادة ، وبسيط وهو سر جماله .
صديق رغاي حبتين .
ابدا والهى انا بعتبر ماما صديقتى الوحيدة وفعلا احنا اصحاب جدا شكرا لتعليقك واهتمامك بالمدونة بتاعتى
ريم
انتي فين ؟
طمنيناعليكي
احمد كنت بعانى من مشكلة سببت لى مود سئ شكرا على سؤالك
إرسال تعليق