الأحد، 3 أغسطس 2008
صاحب القلم الجرئ
يوم الجمعة اجازتى دايما بقضيه فى ترتيب لبسى والذهاب للكوافير وشراء احتياجاتى من السوبر ماركت لانى غالبا طول ايام الاسبوع من البيت للشغل ومن الشغل للبيت ومعنديش فرصة اعمل اى حاجة تانية يمكن يوم الخميس بس بتعشى برة البيت عشان بيكون الجمعة اجازة واصحى براحتى بس يوم الجمعة اللى فاتت كان له مذاق مختلف يمكن طول اليوم معملتش اى حاجة غير متابعة وقراءة مدونة الطوفان للكاتب الصحفى الكبير ياسر ثابت صاحب القلم الجرئ وهى عبارة عن مدونة شاملة سياسية وفنية ورياضية ونقدية وتحليلة وله اسلوب رائع فى الكتابة يجعلك لا تقدر على مغادرة مكانك انسان مثقف مهذب بيحترم النقد ومتواضع بدليل انه بيزور مدونتى المتواضعة وكمان اجمل شئ انه مبخلش على جمهوره بعلمه وثقافته وتجاربه بالعكس انشئ هذه المدونة وبامكان اى حد زيارتها وبالمجان دكتور ياسر قام بتحليل ونقد بعض الكتب والقصص الصادرة لكاتبات عربيات تحت اسم مروج الذهب واحييه عليها وعلى فكرة انا مش بحب القراءة ومش من اهتماماتى وبحس بصداع لو قريت كتير بس مع دكتور ياسروكتابته الوضع مختلف وانتهز هذه الفرصة وبشكره بس لى عتاب انه ضيع على يوم اجازتى بس مش مهم فداك مية يوم وصباحك سكر
الاشتراك في:
تعليقات الرسالة (Atom)
هناك 12 تعليقًا:
أعتذر عن إضاعة يوم إجازتك ووقت راحتك
سعادتي كبيرة بأن أربح قارئة مثلك
أشكرك عل هذه التدوينة التي تكشف عن روحك الطيبة واهتمامك الحقيقي بالاستفادة من عالم التدوين
ريم اشكرك على البوست الجميل ده فعلا هذا الرجل يستحق الكثير تحياتى له ولك ودمتى بخير حبيبتى
الجميلة ريم
شكرا جدا جدا علي سؤالك عني ، ما كنتش فمصيف ولا حاجة ، بس كنت مسافر ، وهسافر برضو الاسبوع الجاي .
لك كل تحياتي .
بالنسبة لمدونة أستاذ ياسر ، فهي حقا جديرة بالاحترام .
احمد مكنتش فى مصيف طيب كنت فين عموما نورت وبعدين مش عارفة حاسك مستعجل
دكتور ياسر ده شرف لى تحياتى
شاشا اشكرك ومن خلال مدونتك مكنتش عرفت اوصل لها لانك كاتبة الرابط عندك فى مدوناتى المفضلة ومن هناك دخلت وقلت اشوف فيها ايه وفعلا لقتها مدونة متميزة
أنا حالا هروح أشوف مدونته..
كل ودي لك
وربنا يعوضك عن يوم الأجازة الي ضاع ده
الجميلة ريم
كنت مسافر فشغل طبعا ، يا ريته كان مصيف . أنا مش مستعجل علي فكرة ، بس النت عندي متفيرس وبيسقط كتير .
لك تحياتي
اد ايه انتى رقيقة يا ريم وبتقدرى الناس ....تحياتى
كانى اتكلم شكرا وحتلاقيها مدونة تستحق الزيارة
عروسة ننوسة اشكرك بس اللى يستاهلوا بس
احمد حمد الله على سلامتك
إرسال تعليق